اپنڑی ٹریڈنگ دا تجزیہ کرنڑ اتے اپنڑے نتائج نوں چنگا بناؤنڑ لئی (statistics) شماریات دے سیکشن نوں ورتوں — ایتھے ہر لیول دے ٹریڈرز اپنڑے پورٹ فولیو نوں بہتر بناؤنڑ لئی درکار ہر شے تلاش کر سکدے نیں۔
دستیاب رپورٹاں:
- خلاصہ — سرگرمی دا خلاصہ: اکاؤنٹ دا ڈیٹا، مجموعی نفع اتے نقصانڑ، ڈپازٹ اتے پیسے کڈھاؤنڑا، بیلنس، گروتھ اتے نفع دے گراف اتے دیگر۔
- نفع/نقصان — نفع بخش اتے خسارے آلی ٹریڈنگ دا تاریخی ڈیٹا۔ پیرامیٹر دی درجہ بندی' ٹریڈنگ دیاں قسماں دی بنیاد تے کیتی جاندی اے، (مینول، کاپی، اتے الگورتھمک ٹریڈنگ ایہدے اچ شامل نیں)۔ ایہدا تجزیہ لینڑ دینڑ، فی صد یا پیسیاں دے لحاظ نال دناں، مہینیاں اتے ورھیاں دے حساب نال کیتا جا سکدا اے۔
- لمبے/مختصر — مخصوص اوقات اچ خرید و فروخت دے آرڈراں دی رپورٹ۔
- علامتاں — مالیاتی آلات (انسٹرومنٹ) ورت کے ٹریڈنگ دا تفصیلی تجزیہ۔ ٹریڈنگ دے اعداد و شمار دا تناسب، تجارت دیاں وکھو وکھ قِسماں دا موازنہ اتے انفرادی علامتاں یاں پورے دے پورے گروہاں دی ھسٹری دا ڈیٹا۔
